Shoqata e Bankave të Kosovës ndihmon me 37.000 euro për viktimat dhe të mbijetuarit e tërmetit në Shqipëri

14:30 | 27 Nëntor 2019
Arbresh.info

Bordi i Drejtorëve të Shoqatës së Bankave të Kosovës sot ka marrë vendim të ndajë 37.000-euro si ndihmë për të prekurit nga fatkeqësia natyrore që ka goditur Shqipërinë.

“Duke u solidarizuar me viktimat dhe të mbijetuarit e kësaj fatkeqësie, Shoqata e Bankave të Kosovës në emër të komunitetit bankar në Kosovë i shpreh ngushëllimet më të sinqerta familjeve të cilat kanë humbur më të dashurit e tyre ndërkaq apelon që të gjithë ata që kanë mundësi të kontribojnë në mënyra të ndryshme për të tejkaluar këtë situatë tragjike”, thuhet në komunikatën për media nga Shoqata e Bankave të Kosovës.

Në mesazhin e ngushëllimit Shoqata e Bankave të Kosovës në mes tjerash përcjell se: “Në këto kohë të vështira për kombin shqiptarë, të gjithë duhet të bëhemi bashkë për të dhënë kontributet tona, në mënyrë që edhe kjo vështirësi të kalohet në unitet dhe solidaritet”./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm